Nuffnang Ads

Followers

Saturday 12 May 2012

Aram Ngena Ngepan Iban Lebuh Ngerami ka Majlis Melah Pinang



Aram ngena ngepan Iban lebuh ngerami ka majlis melah pinang...
(English translation: Let's wear traditional Iban costume for weddings)

Meri tabi basa ngagai bala pembaca blog aku. Terima kasih laban kita deka macha blog aku. Diatu aku ka mantai ka post aku pasal pengawa makai selamat kami udah ditikah ba St. Thomas Cathedral, Kuching. Meri terima kasih mega ba kaban belayan ke datai ngagai gerija enggau ke ba Fourpoints Sheraton Hotel, Kuching ari nya.

Kami duai meri besai terima kasih mega ngagai apai indai, entua, menyadi, ipar enggau kaban ke meri tulung enggau sukung maya ngadu ka pengawa kami duai ari nya. Jasa sida ya Tuhan aja ke ulih balas. Ngarap ka semua sida ya diberi mujur pendiau enggau bahagia selama-lama ya.

Laban penyiru kami duai enggau adat bansa Iban nya alai kami duai ngena ngepan Iban lebuh kami duai ngadu ke pengawa makai selamat kami ba Fourpoints Sheraton Hotel Kuching, 28 April 2012 arinya. Gaga ati kami duai nyadi "Raja Sehari" tauka enti kitai Iban "Keling enggau Kumang".

Maia kami tama ngagai Rainforest Ballroom pejalai kami lalu dibai enggau tabuh "Gendang Pempat" ari Selepong, Sri Aman. Pengawa kami ngena ngepan semina ngagai "toasting" udah nya kami alu betukar ngena baju lain. 

Maioh bala gaga ati meda laban jarang urang ba negeri ka ngena ngepan Iban maia pengawa "wedding reception dinner" lebih gi ke ba hotel di negeri. Kami enda malu (mina ngenan ke penyelap diri ngena ngepan tu) ngena ngepan Iban taja pan bisi persepsi urang engka madah ngena ngepan Iban tu "old fashion".

Pengawa kami enda ngena adat Iban ke penuh ya laban peringkat adat udah diadu maia kami duai bertunang suba, 2 September 2011. Malam nya semina kami ka muka mata urang kelebih gi sida ke nadai kala meda ngepan Iban lama, nya alai kami duai begari ngepan. 

Taja pan nda lama ngena ngepan tang kami chukup gaga ati laban ulih mantai ka pemanah ngepan Iban ngagai bala penatai lebih agi sida ke ari Semenanjung enggau bala sida Jipun ke nadai kala meda ngepan Iban kitai kelia.

Nya alai aku ngari ke anak Iban ke generasi baru aram kitai ngena ngepan Iban lebuh pengawa baka tu. Anang takut enti urang madah kitai tu "old fashion" laban "old fashion" kitai tu nyadi kebanggaan kitai Iban, nya ya Ngepan Iban kitai.  

Suah aku bepanggai ka jaku tu: "Dikelala bungai ari kayu, dikelala buah ari langgu, dikelala bansa ari jaku, dikelala adat ari penyiru, dikelala kaban ari ngepan."

Ba post aku ditu aku mantai ka sekeda gambar kami malam nya. Bala pembaca blog aku tau ga "click" ba link tu enti ka meda gambar "pre-wedding" photos kami ke ngena ngepan Iban diambi ba Sarawak Cultural Village, Kuching. Gambar kami duai tu diambi photographer kami Andy Phe.Gambar Pre-Wedding kami duai Johnney & Veeky


Lebuh tama ke Rainforest Ballroom



 



Disclaimer: Minta ampun enti tulis Iban aku ditu enda entu betul laban aku enda kala belajar nulis Bahasa Iban maia aku sekula suba. Naka tu meh ulih ditulis aku ba post tu.

Terima kasih semua.

13 comments:

dellyne said...

Manah amat sis. Arap aku bisi peluang mega. aku rindu ka ngepan sarung ti di post nuan.

Unknown said...

Terima kasih dellyne..anang lepas ka peluang tuk enti ulih kena aja..

Anonymous said...

I don't really understand much, but i truly second when you say ...
"Anang takut enti urang madah kitai tu "old fashion" laban "old fashion" kitai tu nyadi kebanggaan kitai Iban, nya ya Ngepan Iban kitai" Huuuhaah!

Unknown said...

Thanks Mummy Vin-Avan..I can never agree more being proud of our own culture...

AeyRuLjOe said...

Nya baru kumang nama ya.....btw congrat's mang....besai ati meda nuan mempromosika ngepan iban...enda salah milih nuan nyadi kumang ngarika kitai iban ba BHF2011.....GUD JOB!!!!

Unknown said...

Trima kasih Aeyruljoe..naka ulih promosi meh sebagai bekas kumang..ukai setakat mina menang pada malam nya..sekurang-kurang ya meri mimit ilmu ngagai raban baru tauka ngagai bansa bukai awak sida nemu ari ni penatai kitai...

Imelda said...

ulih nuan bekunsi berapa ungkus ngadu pre wedding photoshoot ba SCV nya sis? tekait mat ati meda...

Unknown said...

manah amat ngepan iban.Tekait mat ati meda.ngepan iban asli.mda real nda kala.t kena org maia d2 ndi bakanya dpeda....cantik mat.

Unknown said...

Ongkos photoshoot ba SCV semina harga baju ke disewa aja..maya photoshoot, baju ke dikena aku nya nang aku empu..mina laki aku ja nyewa gari ba SCV...nda salah aku RM250...

Unknown said...

rindu ati meda nya..aku ka meh ngena ngepan melah pinang ila..hihi..kumang kai bajik aja,penemu mesti bisi..baru tepeda ke blog tu..

Unknown said...

sis, aku memg suka ngena ngepan. bakani kitai ka mupuk budaya ngepan ba kami rebak baru. ngambi maya bisi pengerami sama bekena ke ngepan.

Unknown said...

nike air max, longchamp, uggs on sale, louboutin pas cher, ugg boots, louboutin shoes, nike free, ray ban sunglasses, air max, longchamp outlet, longchamp outlet, gucci outlet, ray ban sunglasses, oakley sunglasses, tiffany jewelry, jordan shoes, louboutin, ralph lauren pas cher, louis vuitton outlet, sac longchamp, tory burch outlet, louboutin outlet, louis vuitton outlet, kate spade outlet, oakley sunglasses, nike free, louis vuitton, oakley sunglasses, prada outlet, air jordan pas cher, longchamp pas cher, tiffany and co, replica watches, christian louboutin outlet, chanel handbags, michael kors, burberry, polo ralph lauren outlet, oakley sunglasses, nike outlet, louis vuitton, cheap oakley sunglasses, ray ban sunglasses, prada handbags, replica watches, louis vuitton, nike roshe run, ugg boots, nike air max, polo ralph lauren outlet

Unknown said...

coach outlet, pandora jewelry, barbour, supra shoes, moncler, ugg,ugg australia,ugg italia, hollister, toms shoes, marc jacobs, sac louis vuitton pas cher, doudoune canada goose, juicy couture outlet, canada goose outlet, links of london, pandora charms, bottes ugg, louis vuitton, wedding dresses, thomas sabo, canada goose, louis vuitton, karen millen, moncler, louis vuitton, montre pas cher, canada goose, ugg,uggs,uggs canada, lancel, swarovski crystal, ugg boots uk, canada goose, canada goose uk, replica watches, moncler, canada goose outlet, moncler, moncler, moncler, pandora jewelry, juicy couture outlet, canada goose, louis vuitton, swarovski, moncler outlet, moncler, barbour jackets, pandora charms, ugg pas cher